Биласизми? “Барселона” Гюндоган ўрнига Туранни танлаган

Айни дамда "Манчестер Сити" шарафини ҳимоя қилаётган Илкай Гюндоган ўз вақтида "Барселона"га кўчиб ўтиши ҳам мумкин эди.

ФИФА агенти Байрам Тутумлунинг El Mundo Deportivo нашрига хабар беришича 2015 йил каталонияликлар 20 млн евро эвазига германиялик футболчининг трансфери борасида дортмундликлар билан келишувга эришишган. Ўшанда Гюндоганнинг ФИФА “Барселона”га қўйган таъқиқи туфайли ярим йил футбол ўйнамаслигини билса ҳам “Камп Ноу”га кўчиб ўтишга розилик берган.

Бироқ, жамоанинг ўша пайтдаги бош мураббийи Луис Энрике Гюндоган ўрнига якунда “Атлетико”дан Арда Туранни сотиб олишни маъқуллаган.