Биласизми? Маскерано 187та ўйинда илк бор голли узатмага муаллифлик қилди

Хабарингиз бор кеча Испания чемпионатининг 25-турида “Барселона” ўз майдонида Хихоннинг “Спортинг” клубини қабул қилди. Учрашувда майдон эгалари рақибларига ҳеч қандай имконият қолдиришмади ва 6:1 ҳисобида ғалаба қозонишди.

Қизиғи шундаки, учрашувда “Барселона”нинг аргентиналик футболчиси Хавьер Маскерано ҳамюрти Лионель Мессини голли узатма билан таъминлади. Бу эса Маскеранонинг Испания чемпионатининг 187та учрашувдаги 1-ассистентлиги бўлди.

Эслатиб ўтамиз, "Барселона" кечаги ғалабадан сўнг пешқадам "Реал"ни қувиб ўтишга мувоффақ бўлди ва 1-ўринга кўтарилиб олди.