Биринчи лига. "Цементчи" - "НБУ-Осиё" ПРЕВЬЮ


Навбатдаги турнинг марказий учрашувида “Цементчи” – “Нбу осиё” билан тўқнашади!

Ўзбекистон биринчилигининг навбатдаги 29 тур учрашувлари доирасида мухлислар марказий бахсга гувох бўладилар.
Ушбу турда мусобақа пешқадами “Цементчи” жамоаси турнир жадвалининг иккинчи поғонасини эгаллаб турган энг яқин таъқибчиси Тошкентнинг “НБУ Осиё” жамоасини Қувасойда қабул қилади.
Шубха йўқки бу бахс барча мухлисларни катта ҳаяжон остида ушлаб турибди. Боиси олий лигага чиқиш учун кураш олиб бораётган ушбу икки жамоа ўртасидаги баҳс кескин ва муросасиз ўтиши тайин. Қувасойликлар ҳозиргача 26 та ўйин ўтказиб, 20 та учрашувни ғалаба билан якунлаган ва 63 очко жамғарган холда мусобақада карвонбошилик қилаётган бўлса, Руфат Акрамхўжаев шогиртлари битта учрашув кўпроқ ўтказганлигига қарамай пешқадам дан 8 очко фарқ билан иккинчи поғонани эгаллаб турибдилар. Шунинг учун навбатдаги бўлажак бахсда “банкчилар” қандай бўлмасин Қувасойда мезбонларни таслим этиб, пешқадамга яқинлашиб олишни ўйламоқда. Лекин Тошкентдаги бахсда айнан шу жамоага имкониятни бой берган жамоамиз “Цементчи” эса ушбу мағлубият аламини олишга ва орадаги фарқни янада узоқлаштиришга харакат қилади. Шундай экан 3 октябр куни мухлислар ҳақиқий “жанг”га гувоҳ бўладилар. Ҳар холда ҳар икки жамоа футболчилари ҳам турнинг марказий ўйинига астойдил ҳозирлик кўраётганини аниқ!

Қолаверса ушбу бахсни 9 карра “Ўзбекистоннинг энг яхши хаками”, 5 карра “Осиёнинг энг яхшихаками”, ФИФА томонидан тақдим этилган “Globe Soccer Awards” (Энг яхши хаками учун) соврини сохиби, “Ўзбекистон ифтихори” кўкрак нишони, “Эл-юрт хурмати” ордери, “Буюк хизматлари учун” ордени сохиби, ФИФА рефериси Равшан Эрматов бошқариб боради!

“Цементчи” эртанги рақиби “НБУ осиё” билан шу кунга қадар тўрт марта тўқнаш келган.

Ўтказилган учрашувларнинг бирида қувасойликлар ғалаба қозонган бўлса, “банкчи”лар икки бор устун келишган. Битта учрашув эса дурранг билан тугаган. Демак бир озгина устунлик “банкчилар” томонида.

Учрашувларда қуйидаги хисоблар қайт этилган;
2015 йил 14 апрел
“НБУ-Осиё” (Тошкент) - “Цементчи” (Қувасой) 1-0

2015 йил 2 июль
“Цементчи” (Қувасой) - “НБУ-Осиё” (Тошкент) 1-1

2016 йил 17 июль
“Цементчи” (Қувасой) - “НБУ-Осиё” (Тошкент) 1-0

2017 йил 20 август
“НБУ-Осиё” (Тошкент) - “Цементчи” (Қувасой) 2-0

Пешқадамларнинг навбатдаги тўқнашуви 3 октябрь, сешанба куни Қувасой шаҳридаги «Цементчи» стадионида соат 16:00 да бошланади.

Ишқибозларимизни қизиқарли кечиши кутилаётган ўйинга таклиф этиб қоламиз!

“Цементчи” жамоаси матбуот хизмати
Зухриддин Абдуллажонов

Фикрлар

Фикр қолдириш учун авторизациядан ўтинг!