"Челси" Лоран Блан билан музокаралар ўтказмоқда

Лондоннинг “Челси” клуби раҳбарияти жамоа бош мураббийлиги учун Лоран Блан номзодини ҳам кўриб чиқмоқда.

France Football нашри тарқатган хабарга қараганда “Наполи” билан Маурицио Саррининг трансфери борасида келиша олмагач, “аристократлар” айнан 52 ёшли франциялик мутахассис билан музокараларни бошлашган.

Айтиш лозимки, гарчи Карло Анчелотти “Наполи” бошқарувини ўз қўлига олган бўлсада, Саррининг “Наполи” билан шартномаси ҳали бекор қилинганича йўқ. Чунки, унинг шартномасида 8 млн евро товон пули белгилаб қўйилган, “Челси” эса ушбу маблағни тўламоқчи эмас.

Хабарларга қараганда лондонликлар директори Марина Грановская 2016 йил ПСЖдан кетгач ишсиз юрган Лоран Блан билан учрашган.

Фикрлар

Фикр қолдириш учун авторизациядан ўтинг!