Ди Мария яна Мадридга қайтиши мумкин

ПСЖ  ярим ҳимоячиси Анхель Ди Мария яна Испания Ла Лигасига қайтиши мумкин.

Хабарларга қараганда 30 ёшли аргентиналик футболчи Мадриднинг “Атлетико” клуби билан келишувга эришишга жуда яқин турибди. Гап шундаки, парижликлар раҳбариятининг ўзи УЕФА томонидан ўрнатилган молиявий фэйр-плейга амал қилиш мақсадида Ди Марияни сотиб олиш учун “матрасчилар”га таклиф билан чиқишган.

Ўз навбатида “Атлетико” Ди Марияни фақат бир ҳолатда – ҳужумчи Антуан Гризманн жамоани тарк этгандагина сотиб олиши мумкинлигини билдирган.

Эслатиб ўтамиз, бундан аввалроқ Гризманнинг ёзда “Барселона”га ўтиши борасида хабарлар тарқалган эди.