Диего Коста Европа Лигасида ҳафтанинг энг яхши футболчиси бўлди

“Атлетико” клуби ҳужумчиси Диего Коста УЕФА талқини бўйича Европа Лигасида ҳафтанинг энг яхши футболчиси деб топилди.

Сўровномада қатнашган респондентларнинг 87 фоизи испаниялик футболчини қўллаб-қувватлади. Ушбу номга даъвогарлик қилган “Зальцбург” вакили Амаду Айдара 13 фоиз овоз билан кифояланди.

Эслатиб ўтамиз, Диего Коста “Арсенал”га қарши Европа Лигаси ярим финал жавоб ўйинида киритган ягона голи эвазига жамоасини финалга олиб чиқди.