Голландия ЖЧдан қуруқ қолди, Роббен термадан кетди

Евро–2016 турнирида иштирок эта олмаган Голландия терма жамоаси яна бир муваффақиятсизликка учради. “Учар голландлар” бу сафар ЖЧ–2018 йўлланмасидан қуруқ қолди.

Жамоанинг 33 ёшли футболчиси, “Бавария” аъзоси  Арьен Роббен милиий терма жамоа сафидаги фаолиятига якун ясади. У 96 та учрашувда майдонга тушиб, 37 та гол урди ва 29 та голга ҳаммуаллифлик қилди.

Маълумот учун, Арьен Роббен Голландия термаси сафида ЖЧ–2010 мусобақасида кумуш медалга, ЖЧ–2014 ва Евро–2004 турнирларида бронза медалларига эга бўлганди.