Ҳамдамовнинг жамоаси бугун амалдаги чемпионга қарши ўйнайди

Бугун Россия премьер-лигасининг 25-турида ҳамюртимиз Достонбек Ҳамдамов тўп сурадиган Махачкаланинг “Анжи” клуби ўз майдонида мусобақанинг амалдаги чемпиони ҳисобланган Москванинг “Спартак” жамоасини қабул қилади.

Айтиш лозимки, москваликлар айни дамда ўтган 24та турдан сўнг 47 очко жамғарган ҳолда мусобақа жадвалида 2-ўринда боришмоқда. Махачкалаликлар эса ўтган 24та турда 24 очко тўплашга муваффақ бўлишган ва айни дамда жадвалнинг 14-поғонасида боришмоқда.

Қуйида ушбу учрашув олдидан ҳар иккала жамоанинг таҳминий таркибларини эътиборингизга ҳавола этамиз:

"Анжи" – "Спартак"

"Анжи-Арена" (Каспийск)

Бошланиш вақти: 21:00

Бош ҳакам: Сергей Лапочкин (Санкт-Петербург)

"Анжи": Лория – Данченко, Армаш, Брызгалов, Яковлев, Тетрашвили, Бакаев, Хубулов, Хамдамов, Лескано, Будковский.

"Спартак": Селихов – Петкович, Максимович, Кутепов, Комбаров, Зобнин, Глушаков, Мельгарехо, Промес, Зе Луиш, Адриано.