Икарди: Мен Аргентина учун ўйнашга тайёрман, бироқ, якуний қарорни мураббий чиқаради

Миланнинг “Интер” клуби форварди Мауро Икарди ўзининг Аргентина терма жамоасида ўйнаш ёки ўйнамаслиги борасида берилган саволга қуйидагича жавоб қайтарди:

“Менинг ишим барча имкониятдан унумли фойдаланиб, ҳар бир ўйинда гол уриш. Терма жамоага чақирилишим эса менга боғлиқ эмас. Буни мураббий ҳал қилади. Аммо мен ўзим учун Аргентина либоси қачон тикилар экан деб кутмоқчи эмасман, мен  ўйнашга тайёрман. Қолгани эса мени ишим”, - дейди Икарди La Gazzertta dello Sport нашрига берган интервьюсида.

Аввалроқ, Аргентина терма жамоаси бош мураббийи Эдгардо Бауса Икардини терма жамоага чақирилиши мумкинлигини инкор этмаган эди. Аммо, унинг учун “Ювентус” форварди Гонсало Игуаин биринчи рақамли ҳужумчи бўлиб қолмоқда.

Эслатиб ўтамиз, бундан аввал Аргентиналик футбол афсонаси Диего Марадона Икардини хоин деб атаган эди.

Фикрлар

Фикр қолдириш учун авторизациядан ўтинг!