Испания Европа ёки Жаҳон чемпионатини ўзида қабул қилмоқчи

Испания қироллик футбол  ассоциацияси президенти Луис Рубиалес мамлакат яқин келажакда йирик турнирларни ўзида қабул қилмоқчи эканлиги ҳақида айтиб ўтди.

“Испания Европа чемпионати ёки Жаҳон чемпионатига мезбонлик қилишни хоҳлайди. Биз бунинг учун курашамиз, аммо биз бу борада УЕФА ва ФИФА талабларига риоя қилишимиз керак. Биз футбол инфроструктурамиз яхшилашимиз лозимлигини биламиз. Стадионларимизни Европанинг бошқа етакчи мамлакатларидаги стадионлар билан солиштирсак, улар анча эскирганини кўриш мумкин.

Агар биз йирик мусобақага мезбонлик қилиш шарафини қўлга киритсак, ҳукуматдан зарур маблағларни оламиз. Бу Испания учун кўп жабҳаларда фойдали бўлади”, - дейди Рубиалес.