Жепаров ва унинг жамоаси Эрон кубогини қўлга киритди (фото+видео)

Пайшанба оқшомида Эронда Ҳазфи кубоги (мамлакат кубоги шундай номланади, таҳр) финали бўлиб ўтди. Унда ҳамюртимиз Сервер Жепаров фаолият олиб борадиган “Истиқлол” клуби қуйи лига вакили “Хуних Бе Хуних” жамоаси билан куч синашди.

Мазкур ўйинда тажриба ўз сўзини айтиб, теҳронликлар 1:0 ҳисобидаги ғалабани қўлга киритишди ва “Истиқлол” ўз тарихида еттинчи марта мамлакат кубогида ғолиб чиқди. Қайд этиш жоиз, бу борада уларга Эронда ҳеч ким тенг келолмайди.

Ҳамюртимиз одатдагидек ўйинни асосий таркибда бошлади ва майдондаги энг фаол футболчилардан бири бўлди.

Қуйида финал ўйини видеошарҳи ва тақдирлаш маросимидан фото ва видеолавҳаларни томоша қилишингиз мумкин.

Эрон Ҳазфи кубоги. Финал

“Истиқлол” – “Хуних Бе Хуни” 1:0.

Манба: SPORTS.uz