Капелло ўзи шуғуллантирган энг зўр футболчи кимлигини айтди

Италиялик машҳур мутахассис Фабио Капелло мураббийлик фаолияти давомида ўзи шуғуллантирган энг зўр футболчи ким эканлигини айтди.

“Мен шуғуллантирган энг кучли футболчи бу – Роналдо. У фаолиятини якунлаш арафасида, вазни 96 килограммга етганида “Реал”да менга рўбаро бўлди. Мен ундан ЖЧ-2002да қанча вазнга эга бўлганлиги ҳақида сўрадим. У 84 кг деб жавоб берди. Лекин, нима бўлган тақдирда ҳам у ажойиб инсон эди”, - дейди Капелло.

Эслатиб ўтамиз, Фабио Капелло фаолияти давомида “Милан” ҳамда “Реал” каби жамоаларни бошқарган.