Кавани Ибрагимовичнинг Францияда ўрнатган рекордини йўққа чиқарди (фото)

ПСЖ клуби форварди Эдинсон Кавани кеча чемпионатнинг 35-турида “Генгам”га (2:2) қарши бўлиб ўтган баҳсда ўз номига дубль ёздириб қўйишга эришди.

Эътиборлиси, ушбу голлар уругвайлик футболчи учун Франция чемпионатидаги 114- ҳамда 115-голлар бўлди. Шу тариқа Кавани собиқ жамоадоши Златан Ибрагимович ўрнатган рекордни янгилади ва ПСЖ сафида ички чемпионатда энг кўп гол урган футболчига айланиб олди.

Шу муносабат билан парижликлар президенти Носир Ал-Хелайфи шахсан Эдинсонга 115-рақамли рамзий футболкани совға қилди.