Криштиану Роналду: Месси–Роналду эраси энди бошланди

Мадриднинг “Реал” жамоси ҳужумчиси Криштиану Роналду ФИФА таъсис этган The Best совринига эга чиқди. Португалиялик футболчининг фикрига кўра, у ва Месси ўртасидаги рақобат ҳали давом этади.

“Ҳар куни хотиржамлик билан уйқуга ётаман. Шахсий ва жамоавий эришилган совринлардан кўнглим тўқ. Мен Мессига қарши курашмайман, фақатгина энг яхши бўлиш учун ҳаракат қиламан. Лекин, шуни ҳам айтиш керакки, Месси–Роналду эраси ҳали тугамади, энди бошланди”, – деди Криштиану Роналду.

2017 йилда португалиялик 32 ёшли футболчи “Реал” билан мамлакат чемпиони ва Кубоги соҳиби бўлди, шунингдек, ЕЧЛ ва УЕФА Суперкубоги соҳибига ҳам айланди.