Ла лига: Тарихий натижалар ва статистикалар(1-қисм)

Бундан бир неча кун олдин Мадриднинг “Реал” клуби футболчиси Криштиану Роналду “Вильяреал” дарвозасини пенальтидан ишғол этган ва Ла лигада 11 мтерлик “нуқта”дан энг кўп гол киритган футболчи бўлган эди. Биз эса шу муносабат билан Испания чемпионатига оид айрим статистикаларни сизнинг эътиборингизг тақдим этамиз.

Нигоҳимизда Англия лига кубоги финали

Ла лигада энг кўп ўйинда ғалаба қозонган жамоа “Реал” саналади. “Қаймоқранглилар” Ла лигада 1618 учрашувда ғалаба қозонишган. Бу борада кейинги ўринларда “Барселона”(1553) ва “Атлетико”(1218)лар боришмоқда.

Испания чемпионатида энг кўп гол киритган жамоа ҳам “Реал”дир. “Бланкослар” 5841 марта рақиблар дарвозасига гол киритишнинг уддасидан чиққан. Аммо ҳимоя борасида “Барселона”га энг келадигани йўқ эканлигини айтмасак, “Барселона” мухлислари хафа бўлишсалар керак.

Карло Анчелоттининг мураббийлик фаолиятидаги энг ёрқин 8 та баҳс

“Эспаньол” клуби эса Ла лигада 1058 ўйинда мағлубиятга учраган. Ўз навбатида, “Атлетико” ҳам келгуси мавсум Ла лигадаги 1000-мағлубиятини қабул қилиб олиши кутилмоқда.

Марҳум Луис Ароганес эса Ла лигада мураббий сифатида 757 та ўйин ўтказган. Бунча ўйин учун эса унга 30 йил керак бўлган.

“ПСЖ”нинг қимматбаҳо сотувлари

Бугунги кунда “Манчестер Сити”да тўп сураётган Клаудио Браво эса 754 дақиқа давомида ўз дарвозаси дахлсизлигини сақлай билган. Бу Испания чемпионатидаг энг яхши “қуруқ” сериядир.

Ла лигада энг кўп дуранг ўйнаган жамоа эса “Атлетик”дир. Бильбао клуби 627 та баҳсда рақиб билан муроса кўчасини “танлаган”.

Карло Анчелоттининг мураббийлик фаолиятига назар

Ла лигада энг кўп ўйин ўтказган футболчи эса ҳозирда “Марсель”да спорт директори сифатида фаолият юритаётган Субисарретадир. Ўз вақтида “Атлетик”, “Барселона” ва “Валенсия”да тўп сурган собиқ футболчи Испания чемпионатида 622 та ўйин ўтказган.

Бир жамоа сафида Ла лигада энг кўп ўйин ўтказган футболчи Раульдир – 550.

Ла лигада энг кўп ўйин ўтказган хорижлик футболчи эса “Атлетико” хамда “Депортиво” клубларининг собиқ футболчиси Донатодир – 446 ўйин.

Европа лигаси ҳам қизиқарли ёхуд мазкур турнирда энг кўп мухлис тўплаган 5 ўйин

Испания чемпионатида энг кўп тўп киритган футболчи Лео Месси – 332 та.

2012 йилги мавсумда эса Жозе Моуриньо бошлиқ “Реал” чемпионатдаги 38 та ўйинда 121 та гол киритишга муваффақ бўлган.

Давоми бор...

Шаҳзод Холбоев тайёрлади