Легионерлар: Вадим Афонин жамоаси йирик ғалабага эришди

Россия Премьер-лигаси 18-турида Ўзбекистон терма жамоаси аъзоси Вадим Афонин тўп сураётган “Оренбург” клуби ўз майдонида Туланинг “Арсенал” жамоасини қабул қилди.

Қизиқарли ва голларга бой кечган ўйинда оренбургликлар 3:0 ҳисобида ғалаба қозонди. Афонин 90 дақиқа тўлиқ ҳаракат қилди.

Мазкур ғалабадан кейин “Оренбург” 15 очко билан турнир жадвалида 12-ўринга кўтарилиб олди.