Лэмпард Голливуд киноларида суратга тушади

Футболчилик фаолиятини якунлаган Англия терма жамоаси ярим ҳимоячиси Фрэнк Лэмпард ўз иқтидорини кинематография соҳасида синаб кўришга қарор қилди.

Бу ҳақида футболчининг рафиқаси Кристин Бликли хабар берди.

- Фрэнк кинода суратга тушиши ҳақидаги гап-сўзлар ҳақиқатга асосланган, - деди Кристин Бликли. - Ҳозир у киноиндустрия вакиллари билан музокара олиб бормоқда.

Фрэнк Лэмпард футболчи сифатида "Вест Хэм Юнайтед", "Суонси Сити", "Челси", "Манчестер Сити" ва "Нью-Йорк Сити" жамоаларида тўп сурган. Англия терма жамоасида 106 та учрашувда 29 та гол уришга муваффақ бўлган.

SPORTS.uz