Франциянинг “Нант” клуби бош мураббийи Клаудио Раньери Италия терма жамоасини бошқариши мумкин. Бу ҳақда Calcionews24 нашри хабар бермоқда.

Юқоридаги манбаанинг ёзишича 66 ёшли италиялик мутахассис ушбу лавозимни эгаллаши мумкин бўлганлар орасида асосий номзодлардан бири ҳисобланмоқда.

Таъкидлаш лозимки, бундан аввалроқ Италия терма жамоаси бош мураббийлигига Карло Анчелотти, Роберто Манчини ва Массимилиано Аллегри каби мутахассислар ҳам таклиф қилиниши мумкинлиги ҳақида хабарлар тарқалган эди. Бироқ, сўнгги маълумотларга қараганда ушбу мураббийларнинг ҳеч бири ушбу таклифга розилик билдирмаган.

Эслатиб ўтамиз, Жампьеро Вентура бошқарувидаги терма жамоа ЖЧ-2018 йўлланмасини қўлга кирита олмагач, ушбу мутахассис истеъфога чиқарилган эди.

«SPORTS.uz» сайтида чоп этилган материаллардан нусха кўчириш, тарқатиш ва бошқа шаклларда фойдаланиш фақат таҳририят ёзма розилиги билан амалга оширилиши мумкин.

ТАҲРИРИЯТ ҲАҚИДА

Гувоҳнома: №1002. Муассис: «RENDER SYSTEMS» МЧЖ.

Таҳририят манзили: 100047, Тошкент шаҳри, Истиқбол кўчаси, 15-уй.
Электрон манзил: info@sports.uz.
Телефон: +998 71 233-78-98