"Наполи" Алланнинг нархини эълон қилди

"Наполи" клуби ўзининг бразилиялик ярим ҳимоячиси Алланнинг трансфер баҳосини эълон қилди.

Tuttosport тарқатган хабарга кўра неаполликлар президенти Аурелио де Лаурентис 27 ёшли футболчининг трансфери бўйича бўладиган таклифларни кўриб чиқишга тайёр, фақат ушбу таклифлар 100 млн евродан кам бўлмаслиги лозим.

Эслатиб ўтамиз, бундан аввалроқ Алланга ПСЖдан жиддий қизиқиш билдиргани ва “Наполи”га 50 млн евро таклиф қилгани ҳақида хабарлар тарқалган эди. Аммо, неаполликлар ушбу таклифни рад этишди.

Маълумот учун, Аллан жорий мавсум “Наполи” сафида жами 24та ўйинда майдонга тушди ва ўз ҳисобига 2та голли узатма ёздириб қўйишга эришди.