Оскар: Баъзан Хитойдан бўлган таклифларни рад эта олмайсан

Хитойнинг “Шанхай СИПГ” клуби ярим ҳимоячиси Оскар яна Европанинг гранд жамоаларида ўйнай олиши учун етарли маҳоратга эга эканлиги ҳақида гапириб ўтди.

“Ҳар бир футболчи кўпроқ пул ишлашни хоҳлайди. Менинг Хитойда ўйнаётганим – бу менинг саъй-ҳаракатларим маҳсулидир. Хитой футболи жуда катта молиявий имкониятларга эга ва шу боис бўлса керак баъзан уларнинг таклифини рад этиш имконсиз.

Аммо, мен ва Халкка ўхшаган футболчилар истаган пайтда Европанинг кучли жамоаларида энг юқори савияда футбол кўрсатиши мумкин. Бунинг учун етарли маҳоратга эгамиз”, - дейди бразилиялик футболчи.

Эслатиб ўтамиз, бундан аввалроқ Оскар “Челси”га қайтиш нияти борлиги ҳақида айтиб ўтган эди.