Ўзбекистон - жаҳон чемпиони!

Бундан бир неча дақиқа аввал меҳрибонлик уйлари тарбияланувчилари ўртасида бўлиб ўтган Жаҳон Чемпионати финалида  Ўзбекистонлик болалар покистонлик тенгқурларига қарши баҳсда иштирок этишди ва иродали тарзда ғолибликни қўлга киритишди.

Учрашувнинг асосий вақти 1:1 ҳисобида якунлангач, ғолиб пенальтилар сериясида аниқланди ва унда омад йигитларимизга кулиб боқди.

УФА расмий сайтининг хабар беришча чемпионларимиз Москва—Тошкент йўналиши бўйича парвоз қиладиган футболчиларимиз бугун 17:00 да Тошкент халқаро аэропортига келиб қўнишади. Уларни катта тантана билан кутиб олиш режалаштирилган.

Қайд этиш керак, ўзбекистонлик футболчилар бундай мусобақада илк бор иштирок этди. Улар финалда мундиалнинг амалдаги ғолиби ҳисобланган Покистон устидан зафар қучишга муваффақ бўлди.