Патрис Эвра яқин вақтлар ичида “Марсель”га ўтиши мумкин
Франциялик ҳимоячи Патрис Эвра яқин вақтлар ичида “Ювентус”дан “Марсель”га ўтиши мумкин.
RMC нашри тарқатган хабарга кўра, 35 ёшли футболчининг агенти музокараларни якунлаш мақсадида Францияга етиб келган. Маълум бўлишича, Эвра “Марсель”га текинга ўтади. Унинг “Ювентус” билан тузган амалдаги шартномаси ёзда якунига етади.
Патрис Италия чемпионатида бу мавсум 6 ўйинда майдонга тушган. Аввалроқ футболчига Англиянинг “Кристал Пэлас” ва Испаниянинг “Валенсия” жамоалари ҳам қизиқиш билдирган эди.
Фикрлар