Погбанинг "МЮ"да ўрни йўқ
"Севилья"да ижара асосида тўп сураётган "Манчестер Сити"нинг франциялик ярим ҳимоячиси Самир Насри ҳамюрти Поль Погба нега "Манчестер Юнайтед"да ўзини кўрсатолмаётганини айтди.
- Иқтидор борасида Погба тенгсиз, - деди Самир Насри. - Бироқ айни пайтда у кўрсатаётгани ўйин унинг истеъдодига тўғри келмайди. Бунинг сабаби Поль ҳали майдонда ўз ўрнини топгани йўқ. У ҳужумчи ортида ва таянч ярим ҳимоячи ўрнида ўйнаб кўрди. Погбага нимадир етишмаяпти.
Рекорд сумма эвазига "Ювентус"дан "Манчестер Юнайтед"га олиб келинган Поль Погба Англия чемпионатида ўнта ўйинда иккита гол урди.
Фикрлар