Расман! Неста "Майами" бош мураббийлигидан кетди

Италиялик собиқ футболчи Алессандро Неста АҚШнинг “Майами” клуби бош мураббийлигидан кетишга қарор қилди.

У ўзининг “Инстаграм”даги саҳифасида ўтган икки йиллик ҳамкорлик учун жамоа раҳбариятига, мухлисларга ва футболчиларга ўз миннатдорчилигини билдирган, клубга эса келажакда муваффақиятлар тилаган.

41 ёшли италиялик мутахассис ҳозирча келажак режалари ҳақида тўхталиб ўтмаган.

Маълумот учун, Неста “Майами”ни 2015 йилда қабул қилиб олган ва ўша мавсумнинг ўзидаёқ жамоа АҚШ чемпионатида ярим финал босқичига қадар етиб борган.