Райан Гиггз: “МЮ” ўтган йили Кантени сотиб олишига умид қилгандим
“Манчестер Юнайтед” жамоасининг собиқ ярим ҳимоячиси, манкунианларнинг вақтинча мураббийи бўли ишлаган Райан Гиггз айни вақтда “Челси”да тўп сураётган Н'голо Канте ҳақида илиқ фикрлар билдирди.
“Канте ажойиб футболчи. Ўтган йили “МЮ” уни “Лестер”дан сотиб олишига умид қилгандим. Унинг 29 миллион фунтлик нархи ҳам шунга яраша. Мен бундай футболчиларга қарши ўйнаганман. Бу ҳақиқий даҳшат. Майдонда улардан қочиб бўлмайди”, – деди уэльслик футболчи.
Эслатиб ўтамиз, ёзги трансфер мавсумда “Челси” франциялик футболчини ўз сафига қўшиб олганди. Айни вақтда у Лондон клубининг муваффақиятларига улкан ҳисса қўшмоқда.
Фикрлар