"Реал" Жанубий Америкадан ўзига мураббий қидиришга киришди

Бош мураббийсиз қолган “Реал Мадрид” ушбу лавозимга номзодларни кўриб чиқмоқда.

As нашрининг хабар беришича, “қироллик клуби” Бразилия терма жамоаси бош мураббийи Титега катта қизиқиш билдирмоқда.

Маълумот учун, Тите ва Бразилия футбол конфедерацияси ўртасидаги шартнома ЖЧ-2018дан сўнг якунланади. Ташкилот президенти Рожерио Кабокло мураббийга янги шартнома имзолашни таклиф қилган, бироқ Тите қарор қабул қилишга шошилаётгани йўқ.

Айтиб ўтиш жоизки, агар 57 ёшли мутахассис “қаймоқранглилар” билан келишувга эришса, ПСЖ хужумчиси Неймар катта эҳтимол билан Мадридга кўчиб ўтади.

Фикрлар

Фикр қолдириш учун авторизациядан ўтинг!