Роббен "Реал"га қарши ўйинда иштирок этмайди

Мюнхеннинг “Бавария” клуби ҳужумкор ярим ҳимоячиси Арьен Роббен жорий ҳафта “Реал”га қарши бўлиб ўтадиган ЕЧЛ ярим финал жавоб баҳсида иштирок эта олмайди.

Kicker нашри тарқатган хабарга кўра голландиялик футболчи “қироллик клуби”га қарши бўлиб ўтган дастлабки ўйинда олган жароҳатидан тўлиқ фориғ бўлганича йўқ.

Эслатиб ўтамиз, “Реал” ҳамда “Бавария” жамоалари ўртасидаги жавоб баҳси эртага “Сантьяго Бернабеу” стадионида бўлиб ўтади. Учрашув Тошкент вақти билан соат 23:45да бошланади.

Маълумот учун, ушбу жамоаларнинг Мюнхендаги дастлабки ўйинида мадридликлар 2:1 ҳисобида ғалаба қозонишган эди.