“Шанхай Теллэйс” Оскарни Роналду ва Мессидан кейинги энг кўп маош олувчи футболчига айлантирмоқчи

Англиянинг “Челси” клуби ярим ҳимоячиси Оскар фаолиятини Хитойда давом эттиришга яқин.

Бразилиялик хавбекка Хитойнинг “Шанхай Теллэйс” клуби жиддий қизиқмоқда ва яқин кунларда бу масала ҳал бўлиши кутилмоқда.

Хабарларга қараганда, хитойликлар Оскарни дунёнинг энг кўп маош олувчи Криштиану Роналду ва Лионель Мессидан кейин учинчи футболчисига айлантиришмоқчи.   

The Times нашрининг маълум қилишича, хитойликлар 25 ёшлик хавбек учун йилига 20 миллион фунт маош беришни таклиф қилишган. Унинг трансфер нарҳи эса 60 миллион фунт дея тахмин қилинмоқда.