Спалетти Италияни бошқаришдан бош тортган

Италия Футбол Федерацияси 2016 йил ёзида Лучано Спалеттини терма жамоага бош мураббийлик қилиш таклифи билан чиқишган. Бироқ ўша вақтда “Рома” бош мураббийи бўлган мутахассис буни рад этган.

“CаlcioMercato” хабарига кўра, Федерация президенти Карло Тавеккио 58 ёшли мутахассисга терма жамоадаги иш асабий эканлиги ҳақида огоҳлантирган. Спалетти таклифни рад этган, оқибатда Жампьеро Вентуа “скуадра адзурра” бош мураббийи этиб тайинланган эди.

Маълумот учун, кеча Италия терма жамоаси ЖЧга чиқиш масаласини ўтиш ўйинлари орқали ҳал этиши маълум бўлган эди.