"Тоттенхэм" Роузни "Челси"га сотгиси келмаяпти

Лондоннинг “Тоттенхэм” клуби чап қанот ҳимоячиси Дэнни Роузни ҳамшаҳари ҳамда рақобатчиси ҳисобланган “Челси”га сотишни истамаяпти.

Evening Standard нашри тарқатган хабарга кўра “шпорлар” 27 ёшли англиялик футболчининг трансфери борасида “аристократлар” билан музокаралар ўтказишни ҳам истамаган.

Таъкидлаш лозимки, “Челси” Роуз учун ҳафтасига 120 минг фунт маош таклиф қилмоқда. Таққослаш учун, Англия терма жамоаси аъзоси айни дамда “Тоттенхэм”дан 7 кун учун 65 минг фунт маош олмоқда.