"Валенсия" москванинг "Спартак" клуби аъзосига қизиқиш билдирмоқда

“Валенсия” клуби Москванинг “Спартак” клубида тўптепаётган ярим ҳимоячи Куинси Промесга қизиқиш билдирмоқда.

"Валенсия" вакили Висенте футболчини “Атлетик”га қарши учрашувда кузатиб борган. Бу ҳақида Marca нашри хабар бермоқда.

Куни-кеча бўлиб ўтган “Спартак” “Атлетик” қарама-қаршилигида Висенте майдонда бўлиб 26 ёшли футболчи ҳақида маълумот тўплаган.

Шу қатори, Промес Англиянинг “Саутгемптон” клубининг ҳам назарига тушган эди ва бу футболчи борасида январь ойида жамоалар музокаралар олиб боришган. Аммо “Спартак” футболчини 25 миллион евро эвазига қўйиб юборишни рад этган.

Маълумот учун, хавбек ушбу мавсумда 17 учрашувда майдонга тушиб, 10 марта рақиблар дарвозасини ишғол этган ва 6та голли узатма оширишга муваффақ бўлган.