Венгер: "Арсенал" гол ура олмагани учун Ўзилни айблаш нотўғри

Лондоннинг “Арсенал” клуби устози Арсен Венгер жамоанинг собиқ ҳимоячиси Мартин Киоуннинг кеча “Атлетико”дан (1:0) учралган мағлубиятда Месут Ўзилни айблаганига нисбатан ўз фикрини билдириб ўтди.

“Мен бу гапларга қўшилмайман. Бугунги ўйинда унинг юқори жисмоний куч сарфлаганини ўзингиз кўрдингиз.

Ўйин жуда оғир кечди ва шу боис гол ура олмаганимиз учун фақатгина Ўзилни айблашимиз нотўғри. Ҳар иккала ўйинда ҳам кўплаб имкониятларга эга бўлдик. Мағлубият бу – бутун жамоаники. Шунинг учун ҳам мен Киоуннинг гапларига қўшилмайман”, - дейди франциялик мутахассис.