Хедира фаолиятини АПЛда давом эттирмоқчи

“Ювентус” клуби ярим ҳимоячиси Сами Хедира ёзда Англия Премьер-лигаси клубларидан бирига ўтиши мумкин. У фақатгина Англияда соврин ютмаганлигини айтиб ўтган.

Аввалроқ бу футболчига “Манчестер Юнайтед”, “Арсенал” ва “Челси” клублари қизиқиш билдираётганлиги маълум қилинган эди.

– Шартномам яна бир йилдан сўнг якунига етади, кейин келажагим ҳақида ўйлайман. Менга Турин ёқади, аммо янги чақирувларни ҳам кутишни яхши кўраман, – дея Хедиранинг сўзларини келтиради Bild нашри. – Мен яна кўпроқ совринлар ютишни истайман. Кучли чемпионатлардан фақатгина Англияда соврин ютмаганман. Испания, Германия ва Италияда кўп марта ғолиб чиққанман.

– Премьер-лига ҳар доим ажойиб бўлган. Бу ердаги ҳар қандай титул коллекциямни бойитади. Бироқ келажакда нима бўлишини аниқ айтиш қийин.