Зидан "Реал"га Дракслерни олиб келмоқчи

Мадриднинг “Реал” клуби ПСЖ ярим ҳимоячиси Юлиан Дракслерни ўз сафига қўшиб олмоқчи.

Don Balon нашри тарқатган хабарга кўра 24 ёшли Германия терма жамоаси аъзосига шахсан “қироллик клуби” бош мураббийи Зинедин Зидан жиддий қизиқиш билдирмоқда.

Айтишў керакки Неймар ҳамда Мбаппе ПСЖга кўчиб ўтганидан сўнг Дракслер кам ўйин амалиётига эга бўлмоқда. Ў жорий мавсум парижликлар сафида барча мусобақаларда жами 6та учрашувда майдонга тушган холос.

Эслатиб ўтамиз, Зидан бундан аввалроқ қишда “Реал” янги футболчи сотиб олмаслиги ҳақида айтиб ўтган эди. Шундан келиб чиқиб айтиш мумкинки, мадридликлар Дракслерни ёзги трансферлар даврида қўлга киритишга уриниб кўришади.