А ва В Про-лига иштирокчилари кимлар бўлиши мумкин?
Ads

Айни вақтда Профессионал футбол лигаси А ва В Про-лигаларида тўп сурадиган жамоаларни саралаб олмоқда.

Ҳозирда “Машъал”, “Хоразм”, “Нефтчи”, “Истиқлол” ва “Шўртан” клублари А Про-лигада иштирок этиш масаласида иш олиб бормоқда. “Шердор” ҳамда “Нурафшон” футбол клубларида ҳам шундай имконият юзага келиши мумкин.

В Про-лигасида иштирок этишни истаётган жамоалар сони эса кўпроқ. Айни вақтда қуйидаги клублар ПФЛ байроғи остидаги мусобақада иштирок этиш истагини билдирган: 

“Орол”

“Локомотив-БФК”

“Бунёдкор-2”

“Яшнобод”

“Норин”

“Ифтихор”

“Имкон-Олтиариқ”

“Янгиер”

“Ғиждувон”

“Зомин”

“Ёзёвон”

“Андижон-2”

“Хисор”

“Рубин”.

Икки йилдан буён 2-лигалар ғолиблари ўртасидаги ўтиш ўйинлари ўтказилмай келаётганидан Профессионал футбол лигаси яхши хабардор. Шундан келиб чиқиб, 2019 йилда ПФЛ кубогига асос солинган. Мазкур мусобақа 2-лига ғолиблари учун ўтиш ўйинлари вазифасини ҳам ўтаб беради. Шарти — 2-лига ғолиблари В Про-лигаси учун талабларга жавоб беришлари керак. Лицензиялаш талабларини шу ҳавола орқали кўчириб олиш мумкин. Қуйида эса 2-лига мусобақаларининг барча ғолиблари кўрсатиб ўтилган:

“Оқтепа” (Тошкент)

“Аммафос-Максам” (Олмалиқ, Тош. вилояти)

“Раш Милк” (Шаҳрихон, Андижон)

“Нефтчи” (Чортоқ, Наманган)

“Турон” (Ўзбекистон, Фарғона)

“Академия” (Янгиер, Сирдарё)

“Бўстон” (Зарбдор, Жиззах)

“Зарбулоқ” (Нарпай, Самарқанд)

“Зарангар” (Ғиждувон, Бухоро)

“Насаф-2” (Қарши, Қашқадарё)

“Динамо” (Термиз, Сурхондарё)

“Навоийазот” (Навоий)

“Р.Мадаминов” (Хива, Хоразм)

“Нукус” (Қорақалпоғистон)

Маълумот учун, ПФЛ кубогида ғолиб чиққан бир ёки бир нечта клубга А Про-лигада иштирок этиш учун имтиёзли йўлланма тақдим этилади. Қолган клублар эса В Про-лигада фаолиятини давом эттириши мумкин.

Юқорида номлари кўрсатилган жамоалар В Про-лигаси талабларига жавоб берса, тезлик билан Профессионал футбол лигасига алоқага чиқишлари сўралади. Келаётган ҳафта ПФЛ комиссияси вилоятларга йўл олади ва ҳар бир клубни назоратдан ўтказади. Қайд этиш керак, Ўзбекистонда трансфер ойнаси 7 март куни ёпилади. ПФЛ кубоги иштирокчилари номи эса тез орада маълум қилинади.

Фикрлар

Фикр қолдириш учун авторизациядан ўтинг!
&
Zulfiqarov Husanboy
01/03/2019 18:56
Xa o'zbegim a o'zbegim ne kunlarga qoldik bu raxbarlar dastidan . Bitta narsaga tushunmayapmam nega superligada 14 ta jamoa ishtirok etishi aynan qura tashlash kuni ommaga e'lon qilindi. Yana bir savol 14 ta jamoa ishtirok etsa unda nega superligada o'ynab kelayotgan Neftchi yoki o'tish turnirida ishtirok etgan jamoalardan olinmasdan boshqa jamoalar qo'shildi . Kimdur (raxbarlardan) javob berishi mumkin : Litsenziya yoki sharoit yaxshi emas stadion xolati yaxshi emas deb. Ho'p mayli agar shunday bo'lsa tassavur qilaylik Istiqlol o'tish turnirida Agmk ni yutub qo'ydi ho'sh unda qanday bo'ladi . Bari bir tushurib o'rniga boshqa jamoa chiqadimi , unda nima keragi bor o'tish turnirini . Uzr bir joyda xato qildim superligada 14 ta jamoa ishtirok etishini va ulardan biri surxon jamosi ekanligini. Surxon jamoasi va "muxtaram" mominjonov bilgan. Boshqa hechkim bilmasa ham