Африканинг энг қиммат футболчисини биласизми?
Замонавий футбол айланаётган пулларнинг ҳажми бўйича дунёнинг олди бизнеслари билан рақобатлаша оладиган ҳолга келди. Футболчиларнинг маоши ҳам, нархлари ҳам кун сайин ортиб боряпти. Биз ҳам бугун африкалик энг қимматбаҳо ўйинчилар рўйхатини келтиришга қарор қилдик.
10. Кучлик ўнликни Уилфред Ндиди очиб беради. "Лестер" шарафини ҳимоя қилаётган нигериялик ярим ҳимоячи Трансфермаркт портали томонидан 32 млн еврога баҳоланмоқда. У АПЛга Бельгиянинг "Генк" клубидан кўчиб ўтган эди. 24 ёшда.
9. Марокашлик Найиф Агерд ҳам айни пайтда 32 млн туради. 27 ёшли футболчи "Вест Хэм" шарафини ҳимоя қиляпти.
8. Рўйхатда Нидерландия чемпионатидан фақатгина Иброҳим Сангаре бор. ПСВнинг 25 ёшли ярим ҳимоячиси 35 млн еврога баҳоланяпти.
7. Чиройли рақам Томас Партейга насиб қилди. "Арсенал"нинг ганалик юлдузи 38 млн еврога баҳоланмоқда. У 29 ёшда.
6. Бир неча кун аввал "Наполи" билан Италия чемпионлигига эришган Замбо-Ангисса эса 40 млн евро "тош босяпти". У жамоанинг топ-10'даги ягона вакили эмас.
5. "Милан" билан ЕЧЛ ярим финалига чиққан Исмаэл Беннасернинг трансфер қиймати ҳам 40 млн.га тенг. У энди 25 ёшга тўлганини ҳисобга олсак, бу сумма яна кўтарилиши мумкин.
4. Сизга "Ливурпуль"даги ўйинлари билан танилган, бугун "Бавария" шарафини ҳимоя қилаётган Садио Мане эса 45 млн евро туради. 31 ёшли вингер 3 йил олдин 150 млн еврога баҳоланар эди.
3. Кучли учликни "Пари Сен-Жермен"да тўп тепаётган Ашраф Ҳакими очиб берди. Марокашлик ҳимоячи 70 млн.га баҳоланяпти.
2. Римдан Мерсисайдга кўчиб, АПЛда кўп нарсани ўзгартириб юборган Муҳаммад Салоҳ ҳам 70 млн. У ўз вақтида 150 млн еврога баҳоланар эди.
1. Ниҳоят, энг қиммат африкалик футболчи эса А Сериядаги голлари билан "Наполи"га узоқ кутилган чемпионликни келтирган Виктор Осимхен ҳисобланади. Унинг айни пайтдаги трансфер баҳоси 100 млн еврога тенг. Нигериялик ҳужумчи эндигина 24 ёшда.
Фикрлар