Алиссон келажакдаги фаолиятига ЖЧ-2018 стартига қадар аниқлик киритилишига умид қилмоқда

Римнинг “Рома” клуби ва Бразилия терма жамоаси дарвозабони Алиссон мавсумлар оралиғида бошқа жамоага ўтиш ҳақида ўйламоқда.

“Умид қиламанки менинг келажак фаолиятимга ЖЧ-2018 стартига қадар аниқлик киритилади. Барча музокаралар билан агентим шуғулланмоқда. Менинг айни дамдаги бор эътиборим фақат жаҳон чемпионатига қаратилган”, - дейди Алиссон.

Эслатиб ўтамиз, 26 ёшли посбонга "Реал", "Ливерпуль" ва ПСЖ каби клублар жиддий қизиқиш билдирмоқда. “Рома” эса иқтидорли футболчисини 90 млн евродан камига қўйиб юбормоқчи эмас.