Алькантара “Бавария” билан келишувни узайтиришга яқин турибди

Мюнхеннинг “Бавария” клуби ярим ҳимоячиси Тьяго Алькантара жамоа билан янги шартнома имзолашга яқин турибди, дея хабар беради Kicker нашри.

Клуб раҳбарияти ва мураббийлар штаби Испания терма жамоаси футболчисининг ўйинидан жуда мамнун. Тахминларга кўра, Алькантара “Бавария” билан келишувни 2021 йилгача узайтиради. Унинг амалдаги шартномаси 2019 йил ёзига қадар мўлжалланган.

Алькантара бу мавсум Бундеслигада 22 ўйинда 4 гол (5 пас)га муаллифлик қилган.