Ана холос! Германия терма жамоаси бугун аёллар жамоаси либосида майдонга тушади (ФОТО)

Германия терма жамоаси УЕФА Миллатлар лигаси гуруҳ босқичининг навбатдаги турида Англияга қарши аёллар терма жамоаси либосида майдонга тушади. Бу ҳақда ESPN нашри хабар бермоқда.

Манбага кўра, Ханси Флик жамоаси бу орқали бўлажак Европа чемпионати олдидан Германия аёллар терма жамоасини қўллаб-қувватламоқчи.

Германия аёллар терма жамоаси қитъа чемпионатида Дания, Испания ва Франция терма жамоалари билан бир гуруҳдан жой олган. Ушбу мусобақа 6 июль куни бошланади.

Германия эркаклар терма жамоаси бугун Мюнхенда УЕФА Миллатлар лигаси доирасида Англияга қарши баҳс олиб боради. Ушбу учрашув Тошкент вақти билан соат 23:45 да бошланади.