"Андижон" "Олимпик" клубига қарши ўйин учун тайёргарликни Дукентда бошлади

“Андижон” Суперлиганинг 3-турида “Бунёдкор”га қарши бўлиб ўтган беллашувдан кейин қисқа танаффусга чиққанди.

Бугун жамоамиз аъзолари навбатдаги тур ўйини учун машғулотларга киришди. Айтиш лозимки, “Андижон” аъзолари тайёргарлик кўриш учун Дукентдаги “Янгиобод” ўқув машғулот базасида тўпланди. Шунингдек, ўртоқлик учрашуви ўтказилиши ҳам режалаштирилган.

Ёдингизда бўлса, жамоамиз мавсумга ҳозирлик кўриш жараёнида қишки тайёргарлик йиғининиг бир қисмини шу ерда ташкиллаштирган. Бугун футболчилар дастлабки машғулотини бошлайдилар.

Эслатиб ўтамиз, “Андижон” 3 апрель куни Суперлиганинг 4-турида Тошкентда “Олимпик” жамоасига қарши майдонга тушади.

“Андижон” матбуот хизмати.