"Арсенал" ўз тарихида илк бор "Борнмут"га мағлуб бўлди

Бундан бироз олдин Англия Премьер-Лигаси 23-туридан ўрин олган “Борнмут” ҳамда “Арсенал” жамоалари ўртасидаги баҳс ўз ниҳоясига етди.

Ушбу ўйиннинг 52-дақиқасида Эктор Бельерин ҳисобни очиб, “тўпчилар”ни ҳисобда олдинга олиб чиққан эди. Бироқ 70-дақиқада Каллум Уилсон мувозанатни тиклаган бўлса, орадан 283 сония ўтиб, Жордан Айб мезбонларга ғалаба келтирган голни киритишга эришди.

Шу тариқа, “Арсенал” ўз тарихида илк бор “Борнмут”га мағлуб бўлди. Су кунга қадар мазкур жамоалар ўртасида кечган 6 қарама-қаршиликнинг 5 тасида лондонликлар ғалаба қозонган бўлса, бир ўйин дуранг билан тугаган эди холос.