Аёллар чемпионати 2-босқичига қуръа ташланди

Аёллар ўртасидаги Ўзбекистон чемпионати иккинчи босқичига қуръа ташланди. Бу ҳақда ПФЛ расмий сайти хабар тарқатмоқда.

Айтиш керакки, ушбу чемпионат ўйинлари икки минтақага бўлинган ҳолда ўтказилмоқда ва минтақаларда юқори ўринларни қўлга киритган жамоалар иккинчи босқичда совринли ўринлар учун ўзаро курашадилар. Минтақаларда пастки ўринларни қўлга киритган жамоалар эса, қуйи лигага тушиб кетмаслик учун ўзаро баҳсларни давом эттиришади.

Юқори поғоналар учун курашаётган 8та жамоа “уй-меҳмон” тизимида ўзаро икки даврада кураш олиб боришса, кучли саккизликдан пастдаги жамоалар марказлашган ҳолда бир даврали баҳсларда баҳс олиб боришади.

2-босқич. 1-давра, 1-тур.

5 август

“Бунёдкор” – “Металлург”

“Локомотив” – “Пахтакор”

6 август

АГМК – “Сўғдиёна”

“Қизилқум” – “Севинч”

9-16-ўринлар учун баҳсларнинг 1-турига 7-11 август кунлари Наманган шаҳри (“Навбаҳор” клуби) мезбонлик қилади.

8 август

“Бухоро” – АГМК

“Навбаҳор” – Динамо”

“Нефтчи” – “Шўртан”

“Андижанка” – “Сурхон”

Мазкур гуруҳнинг 2-тур ўйинларига 21-24 сентябрь кунлари Термиз шаҳри (“Сурхон” жамоаси) мезбонлик қилиши режалаштирилган.

Ўзбекистон кубогининг чорак финалида ким ким билан майдонга тушиши олдиндан маълум эди. Қуръа фақат кимнинг мезбонлик қилиши масаласига ойдинлик киритиб берди. Қуръага кўра битта учрашувдан иборат чорак финал ўйинлари қуйидагича кўриниш олди:

Ўзбекистон кубоги. 1/4 финал

4 октябрь

“Сўғдиёна” – “Севинч”

“Шўртан” – “Локомотив”

5 октябрь

АГМК – “Металлург”

“Пахтакор” – “Бунёдкор”

Ярим финал ўйинлари 19 октябрга, финал эса 26 ноябрга белгиланди.