“Барселона” ЕЧЛда “МЮ” билан тўқнаш келишни истамайди

“Барселона” жамоаси бош мураббийи Эрнесто Вальверде “МЮ”га қарши (1:0) ўйиндан кейин ўз фикрлари билан ўртоқлашди.

“МЮ”га қарши ўйин натижасидан тўлалигача қониқдик. Ўйинни назорат қила олдик. Беллашув ўртоқлик мақомига эга бўлишига қарамай, ғалаба учун барча имкониятларни ишга солдик. “МЮ” – Европа Лигасини ютган жиддий рақиб сифатида қаралмоқда.

Бу йилги мавсумда манкунианлар Европа Чемпионлар Лигасида яхши натижа эришиши мумкин бўлган клублардан бири. Ҳар қандай жамоага “МЮ”ни ютиш осон бўлмайди. ЕЧЛда Жозе Моуриньо жамоаси билан тўқнаш келишни истамасдим”, – деди Вальверде.