"Барселона" ҳужумчисини "Боруссия" Дортмундга сотишга рози бўлди

"Барселона" раҳбарияти ҳужумчи Пако Алькасернинг трансфери бўйича "Боруссия" Дортмунд клуби билан келишувга эришди. Бу ҳақда  RAC 1 нашри хабар тарқатмоқда.

Юқоридаги манбаанинг маълум қилишича томонлар тез орада 24 ёшли футболчининг "Сигнал Идуна Парк"га трансфер қилинганини расман эълон қилишади.

Маълумот учун, Алькасер ўтган мавсум “Барселона” сафида жами 23та ўйинда майдонга тушиб, ўз ҳисобига 7та гол ҳамда 4та голли узатма ёздириб қўйишга эришган.