"Барселона" Коутиньонинг ўрнига Ди Марияни сотиб олмоқчи

Каталониянинг “Барелона” клуби ПСЖнинг ҳужумкор ярим ҳимоячиси Анхель Ди Мариянинг хизматларига жиддий қизиқиш билдирмоқда.

ParisFans нашри тарқатган хабарга қараганда каталонияликлар 29 ёшли аргентиналик футболчига “Ливерпуль” ярим ҳимоячиси Филиппе Коутиньонинг альтернативи сифатида қарашмоқда. “Барселона” Ди Мария борасида ўтган ёз таклиф қилган 60 млн еврони (15 миллиони бонус) ҳозир ҳам тўлашга тайёр.

Эслатиб ўтамиз, ўшанда парижликлар Аргентина терма жамоаси футболчиси учун “Барса”дан 75 млн евро талаб қилган эди. Бироқ, ПСЖда айни дамда вазият ўзгарган. Жамоа молиявий фэйр-плейга амал қилиши учун бир нечта футболчисидан воз кечиши керак.Шу боис бу сафар “Барселона”нинг таклифини қабул қилиши мумкин.