"Барселона" уни яна йўқотди
"Барселона"нинг уругвайлик ҳимоячиси Рональд Араухо сафдан чиқди. Бу ҳақда клуб расмий сайти хабар тарқатмоқда.
22 ёшли футболчи кеча Ла Лиганинг 36-турида “Леванте”га қарши бўлиб ўтган ўйинда жароҳат олган. У тез орада чуқурлаштирилган тиббий кўрикдан ўтказилади ва шундан сўнг унинг жароҳати бўйича аниқ ташҳис қўйилади.
Айтиш лозимки, Араухо яқиндагина жароҳатидан соғайиб сафга қайтган эди. У жорий мавсум 31 та ўйинда майдонга тушди ва ўз ҳисобига 1 та гол ҳамда 2 та голли узатма ёздириб қўйишга эришди. Унинг клуб билан амалдаги шартномаси 2023 йилга қадар имзоланган.
“Барселона” 36 турдан сўнг Ла Лига мусобақа жадвалида 2-ўринда бормоқда.
Фикрлар