“Бавария” Бундеслига кушандаси

Aслида, ички чемпионатдаги юлдузларни қўлга киритиш грандлар учун одатий ҳол. Турнирга ва иқлимга тўлиқ мослашган футболчилар тезда эффект беради. “Бавария” эса, ҳар сафар бир ўқ билан икки қуённи уришга ўрганиб қолган. Шу йўсинда улар сифатли ижрочини қўлга киритибгина қолмай, асосий таъқибчини бирмунча кучсизлантиради.

Биз “Бавария”нинг сиёсати қай даражада эффект берганини кўрсатиш мақсадида ўзига хос рамзий жамоа туздик.

Мануэль Нойер (Германия) — «Шальке»дан 30 млн евро, 2011 йилда

алкуўалўуклўку

Дарвозабон Гельзенкирхен клуби тарбияланувчиси саналади. У “Шальке” сафида 20 йил дарвозани қўриқлади ва терма жамоа даражасига кўтарилди. Aйниқса, «Шалке»га Рауль келгач, жамоанинг ишлари анча олдинга силжиди. Европа Чемпионлар лигасида клуб ярим финалга қадар етиб борди. Тўғри, “Манчестер Юнайтед” тўсиғидан ўтишнинг имкони бўлмади, аммо Нойер ўзини нималарга қодир эканлигини кўрсатиб қўйди. Мавсум сўнггида, кипер клуб ва мухлислар илтимосига қарамай, шартномани узайтиришдан бош тортди.

Ҳимоячилар:

Бенжамен Павар (Франция) — «Штутгарт» дан 35 млн еврога 2019 йилда

ашцурагцрацу

Бу трансфер орқали немис клуби “Штутгарт”ни кучсизлантирди, деб бўлмайди. “ФК Голливуд” Паварни харид қилганида, футболчининг собиқ жамоаси аллақачон Бундеслигадан тушиб кетган эди. Бу трансферга Бенжаминнинг Франция билан ЖЧда ғалаба қозонгани асосий сабаб бўлди. Футболчи ўз танловидан афсусланмаслиги аниқ. У Мюнхендаги илк мавсумидаёқ, клублар ўртасидаги барча мусобақаларда ғалаба қозонди.

Матс Хуммельс (Германия) — «Боруссия»дан 35 млн еврога  2016 йилда

пкелўпкелўплкеп

Матс “Бавария” академияси тарбияланувчиси саналади. Эътиборлиси шундаки, жамоа мураббийлари ҳимоячидан умид узади ва уни қўйиб юборади. Хуммельсни Юрген Клопп сайёрамизнинг энг кучли ҳимоячиларидан бирига айлантиради. Тезкор, иккинчи қаватда фаол, майдонда жой танлашни биладиган ижрочи кўп ўтмай собиқ жамоаси эътиборига тушди. Клопп ўзининг ҳимоядаги энг муҳим фигурасини олиб қолишга қанчалар уринмасин, барибир Хуммельс “Бавария”га йўл олди.

Никлас Зюле (Германия) — «Хоффенхайм» 20 млн евро  2017 йилда

пукўплукўзлпўук - копия

Қалъа сингари бақувват ҳимоячи “Хоффенхайм” сафида ЕЧЛ йўлланмасини қўлга киритди, бироқ турнирда “Бавария” либосида дебют қилди. Николас Мюнхенда биринчи рақамли бўла олмади. Бунга тинимсиз олинган жароҳатлар сабаб бўлгани рост. Шунга қарамай, у бу қароридан ҳеч қачон афсус чекмаслиги турган гап. Сабаби, айнан “Бавария”даги фаолият унга терма жамоа ва халқаро майдондаги ғалабалар эшигини очиб берди.

Дайот Упамекано (Франция) —«РБ Лейпциг»дан 42.5 млн еврога 2021 йилда

кпуўлпўуклўпулкп - копия

Яқиндагина Мюнхен клуби Дайотнинг трансферини расман тасдиқлади. Француз “Бавария”нинг ички трансфер бозоридаги энг қиммат харидига айланди. Клуб шу тариқа, Юлиан Нагельсманнинг ўйин услубига кучли зарба берди. 90 дақиқа давомида майдонда энг кўп узатмани амалга оширувчи ёш футболчи келаси мавсумни “Бавария” сафида бошлайди. “Буқалар” эса, унинг ўрнини тўлдириш учун тезроқ ҳаракат қилишлари лозим.

Ярим ҳимоячилар:

Леон Горецка (Германия) — «Шальке»дан эркин агент мақомида 2018 йилда

аўокуцшаокуау - копия

2017/18-йилги мавсумда “Шельке” кичик мўъжиза намойиш этди. Доминико Тадеско бошқарувидаги клуб Бундеслига кумуш медалларига эга чиқди. Мавсум якунлангач, жамоа аъзолари грандларга равона бўлди. Улар орасида Леон ҳам бор эди. Оқибатда, “Шальке” анча заифлашиб қолди. Бу жамоа ўйинида яққол кўзга ташланди. Горецканинг эркин агент мақомида “Бавария”га йўл олгани, клуб раҳбарларига икки ҳисса алам қилгани аниқ.

Йозуа Киммих (Германия) — «Штутгарт»дан  8.5 млн еврога 2015 йилда

Бу трансфердан “Штутгарт” яхшигина пул ишлаб олган. Сабаби, улар бир йил илгари “РБ Лейпциг”дан Киммихни 1,5 миллион евро эвазига сотиб олиш шарти билан ижарага олади. Бир неча кундан сўнг, “Бавария” ёш иқтидор эгаси учун 8,5 миллион евродан воз кечди. Оқибатда, “Штутгарт” тоза 7 миллион даромад қилди.

Марио Гетце (Германия) — «Боруссии Д»дан 37 млн еврога 2013 йилда

кулўпўуклпўулкп - копия

Марио кўпчиликнинг ёдидан кўтарилган бўлиши мумкин, бироқ ўз пайтида у бутун Германия эътибор марказида бўлган. Дортмундда унинг Мюнхенга кетгани шу қадар катта жанжал келтириб чиқариши ҳеч кимнинг хаёлига келмаган эди. Футболчининг укасини мактабда заҳарлашди. Унинг уйи атрофида фанатлар йиғилди, бироқ Марио барибир “Бавария” билан шартнома тузди. Қанчалар уринмасин, Гетце аввалгидек футбол намойиш эта олмади. Ҳозир Голландия чемпионатида камтарин фаолият олиб бормоқда.

Ҳужумчилар:

Серж Гнабри (Германия) — «Вердер»дан 8 млн еврога 2017 йилда

ўлўлўлў - копия

Гнабри ҳозир “Aрсенал”нинг асосий қуролига айланиши мумкин эди, аммо инглизлар Сержни жуда эрта сотиб юборишди. “Вердер” вингер учун “кононирлар”га 5 миллион евро тўлади. Икки йилдан сўнг, “Бавария” Сержни сотиб олди ва “Хоффенхайм”га ижара асосида жўнатди. Бугунги кунда Гнабри сайёрамиздаги энг кучли қанот ҳужумчиларидан бири саналади.

Марио Манджукич (Хорватия) — «Вольфсбурга» 13 млн еврога 2012 йилда

лпўукўплукўплукў - копия

Хорват “Динамо Загреб”даги голлари билан «Вольфсбург» эътиборига тушди. Бундеслигадаги ишончли ўйинлари сабабли уни “Бавария” харид қилди. Қаҳрамонимиз ўзининг Мюнхендаги илк мавсумидаёқ требл қайд этди. Пеп Гвардиола жамоа тепасига келгач, у асосий таркибдан тушиб қолишни бошлади. Оқибатда, чамадонини йиғиштирди ва Европа бўйлаб саёҳатга йўл олди.

Роберт Левандовски (Польша) — «Боруссии Д»дан эркин агент мақомида 2014 йилда

алўцулўцулаўцуа - копия

FIFA талқинига кўра, 2020 йилнинг энг яхши футболчиси ва 21 асрдаги “Бавария”нинг энг яхши тўпурари клубга эркин агент сифатида таклиф этилган. Aслида, жамоа 2013 йилда Марио Гетце ва Роберт Левандовскини бирга сотиб олмоқчи эди, аммо дортмундликлар бунга рози бўлмайди. Оқибатда, “Бавария” яна бир мавсум сабр қилди ва ҳужумчини эркин агент сифатида жамоага таклиф қилди. Кўплаб мутахассислар айнан Левандовскининг трансферини 21 асдаги “Бавария” учун энг омадлиси, деб ҳисоблайди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар