"Бавария" ўртоқлик учрашувида 3-дивизион жамоаси билан дуранг ўйнади

Мюнхеннинг “Бавария” клуби бугун Германия 3-дивизиони вакили “Кайзерслаутерн” клубига қарши ўртоқлик ўйинида майдонга тушди.

“Фритц Вальтер Штадион”да кечган қизиқарли беллашув 1:1 ҳисобида дуранг билан якунланди. Таъкидлаш керакки, учрашувга 45 500 мухлис ташриф буюрди ва ушбу чипталардан тушган барча маблағлар молиявий қийинчиликларга дуч келган “Кайзерслаутерн” клубига ҳайрия қилинди.

Маълумот учун, “Бавария” бу мавсум Германия чемпионати ва кубогида зафар қучди. “Кайзерслаутерн” эса 3-дивизионда 9-ўринда якунлади.