Бэйл "Барселона"га қарши ўйнайдими?

Мадриднинг  “Реал” клуби ҳужумчиси Гарет Бэйл Испания Ла лигаси 17-туридан ўрин олган “Барселона”га қарши баҳсни асосий таркибда бошламайди. Бу ҳақда Маrcа хабар бермоқда.

Уэльслик футболчининг клублар ўртасидаги ЖЧда яхши ўйин кўрсатганига қарамай, мадридликлар устози Зинедин Зидан уни тайёр эмас деб ўйламоқда. “Қироллик клуби” мураббийлар штаби Бэйлни бундай ўйинда дастлабки дақиқалардан бошлаб, майдонга туширмасликни маслаҳат қилишган.

Маълумот учун, мазкур ўйин 23 декабр санасида бўлиб ўтади.