Бу ўйинчи “Барса”га катта зиён келтирмоқда

“Барселона” ўзига керак бўлмай қолган футболчилардан бири Мартин Брэйтуэйтдан қутилишга қийналмоқда.

Даниялик ҳужумчи жамоа бош мураббийи Хави Эрнандесга умуман керак эмас. Якунланган мавсумда Мартин атиги тўртта учрашувда қатнашиб, икки бор рақиб дарвозасини ишғол қилди.

Клуб раҳбарияти уни сотиб юборишга қарор қилган. Лекин амалдаги шартномаси яна икки йил давом этадиган ўйинчи Каталониядан кетишдан бош тортяпти. У захирада ўтириб бўлса ҳам, ўзига белгиланган мўмай маошни олмоқчи.

“Барселона” Брэйтуэйтни икки йил муқаддам “Леганес” клубидан 18 миллион еврога сотиб олган.